Bajarê Freîbûrgî yê Almanya û bajarê Sydneyî yê Avûstûralya de kurdistanij û dostanê ci bi çalakîyan azadîya Ocalanî waşte.

Freîbûrg de rayberîya Merkezê Komelê Kurdan ê Demokratîke de mîtîngêk ame viraştene. Endamê Meclîsê Cinîyan yê Nûda û Dergeha Elewîyan ê Freîbûrgî zî tede xeylê kesî tewrê ci bîyî.

Çalakwanan bi sloganan Ocalanî rê herskerdiş û giredayîya xo arde ziwan û Ewropa ra waşt ke wa vera tecrîdî bêveng memano.

SYDNEY

Bajarê Sydneyî yê Avûstûralya de zî komploya 9ê Teşrîna verêne û polîtîkaya tecrîdî ameyî protestokerdene. Çalakîya ke Merkezê Komelê Kurdan ê Demokratîke organîze kerd, xeylê kurdîstanijî û dostê ci tewrê ci bî û azadîya Ocalanî waşte.

Çalakwanan Komîteya Vernîgirewtişê Îşkenceyan (CPT) û Mehkemeya Heqê Merdiman ya Ewropa (MHME) zî şermezar kerdî û înan ra waşt ke wa wazîfeyê xo bîyarî ca.