Endamê Înîsîyatîfê ‘Rayber Apoyî rê Azadîye’ yê Sûrîye Silêman Îsa Ehmedî ajansê ma rê qisey kerd.

Ehmedî îfade kerd ke Komîteya Vergirewtişê Îşkenceyî (CPT) heta nika vera sîstemê tecrîd û îşkenceyî yê Îmraliyî çîyêk nêkerdo û no zî bawerîya seba CPTyî kêmîneno. Ehmedî vat: ‘’CPTyî derheqê zîyaretanê xo yê Îmraliyî de raporê xo zî nêweşanayî. Ma na bêvengîya CPTyî bi xurtî şermezar kenê. Ganî CPT erkanê xo bîyaro ca.

CPTyî heta nika 11 reyî Îmrali zîyaret kerdo. No zî a raşte netîceya xoverdayîşê şarî de bi. Şarî meydanan de azadîya Rayber Apoyî waşte û ney zî zorîye daye CPTyî. Hetê bînî ra 2016 û 2021 de CPTyî zaf zîndanê Tirkîya zîyaret kerdî la nêşi Îmraliyî.’’