Hemsereka Pêroyî ya Partîya Herêman a Demokratîke (DBP) Salîha Aydenîz polîtîkayê Tirkîya yê Rojhelatê Mîyanênî û îsrarê Tirkîya yê seba îşxalê Îdlîbî ANFyî reyde ercnayî.

Aydenîzî vat: Îqtîdar bi îtîfaqê faîşîstî polîtîkaya dişmenîya kurdan ano ca. Semedê krîzan zî na polîtîkaya vera kurdan o. Tirkîya Îdlîb de cergan reyde gêrena, nê cergan seba ke vera kurdan şer bikerê weye kena. Her roje Îdlîb de rewşa ci bena xirabêr la reyna zî şerê xo dewam kena. Semedê nê israrê ci dişmenîya kurdan o.

5 serran ra nata wexto ke tecrîdê vera Birêz Ocalanî xorin bi hêrişê vera îradeyê kurdan zî hîna xorin bîyî. Şer her ca de vila bi, operasyonê qirkerdişî kenê, şaredarîye xesp kenê... Reyna multecîyê Tirkîya zî serebûtanê çetinan ra derbaz benê. Hêrişê înan yeno kerdene û multecîyî vera Ewropa sey hacet yenê xebitnayene.

Wextê şerî de kes nêeşkeno qala demokrasîyî bikero. AKPyî şerî ra ber çîyêk nêdano şarî. Ganî rêya verêne Tirkîya nê îqtîdarê faşîstî ra xo bixelisno. Rayîrê ney zî îtîfaqê demokratîkî ra derbaz beno. Ganî şarê ma bi têkoşînêkê hemparî cepheyê xo yê demokrasîyî awan bikero.''