Partîya Herêmanê Demokratîkan (DBP) semedê Rojawanî kampanyaya hetkarîye daye destpêkerdene.

Hemserekê DBPyî yê Amedî Mehmet Şirin Gurbuzî ke derheqê kampanya de ANFyî rê qisey kerd. Gurbuzî ard ziwan ke hêrişê vera Rojawanî semedê çînkerdişê destkewteyanê kurdan yenê kerdene û vat: ''Şarî senî ke bi ruhê Kobanê seferberîye îlan kerd, ma zî sey partî Amed de no da destpêkerdene. Seba ke verê hêrişê vara Rojawanî bêro girewtene ma kampanyaya paştdayîş û hetkarîye daye destpêkerdene.

Hetkarîyî bananê ma yê qezayan de do bêrê pêser. Ma zanê ke şarê ma wazeno paştî bido Rojawanî. Vera hêrişê çeteyan paştdayîş muhîm o. Çeteyê ke îqtîdarê AKP-MHPyî paştî dano ci wazenê şaran reyna erdê ci ra bikerî. Ganî şarê ma bi ruhê seferberîye paştî bido Rojawanî. Wa şarê Amedî semedê Rojawanî bibo seferber.''