Çalakîya merdim û dayîkanê tepişteyanê ke seba bale biancê serê tecrîdî û çalakîya grevê vêşanîye û rojeyê mergî, vernîya Hepisxaneyê Gebze yê Tîpê E’yî de roja 45’ine de dewam kena. Parlamenterê HDP’yî Dilşat Canbaz, avûkatê Komeleya Huqûnasanê Azadan (OHD) û şar beşdarê çalakîye bîyî.

Polîs: HDP’yijî nêeşkenê nêzdîyê hepisxaneyî bibê

Dayîkî vernîya banê HDP’yî de ameyî têhet û bi wesayîtan ver bi hepisxaneyî kewtî rayîr. Wexto ke dayîkî restî vernîya hepsxaneyî polîsan rayîrê dayîkan birna, rixmê heme astengîyanê polîsan dayîkî wesayîtan ra vejîyayî û çalakîya roniştişî viraşte. Amirê asayîşî wextê çalakîye de vat, “Bi taybetî HDP’yijî nêeşkenê nêzdîyê hepisxaneyî bibê.”

Wexto ke avûkatanê OHD’yî qisey kerdene polîsan ê derb kerdî.