Merdimê tepişteyanê ke semedê baleantişê grevê vêşanîye yê ke semedê wedartişê tecrîdê serê Ocalanî yenê viraştene, nobete tepişenê, roja 25’ine ya nobete de vernîya Zîndanê Gebze de reyna raştê hêrişê polîsan ameyî.
Polîsanê Tirkî reyna hêrişê merdimanê tepişteyanê ke vernîya Zîndanê Gebze de çalakîya roniştişî virazenê kerd.
Dayîke ke 9’ê Adare ra semedê baleantişê xoverdaoxanê ke semedê wedartişê tecrîdê serê Rayberê Şarê Kurdî Abdulah Ocalanî grevê vêşanîye de vernîya Zîndanê Gebze yê Tîpê M’yî de nobete tepişenê ewro reyna ameyî têhet. Parlamenterê HDP’yî Alî Kenanoglu û hunermendanê Merkezê Kulturê Mezopotamya ( MKM) zî paştî daye dayîkan. Polîsan hêrişê merdimanê tepişeyan kerd û bizor verê zîndanî ra fînayî dûrî. Dayîka xoverdayoxe Ozlem Soylere ya ke 139 rojî yo grevê vêşanîye de ya, Hatîce Soylere reaksîyon da polîsan û vat ke rixmê hêrişan ê do wayîr domananê xo bivejîyê.
