Rayber Apoyo ke 26 serrî yo binê tecrîdê giranî de yeno tepiştene, 27ê sibate de vengayîşo tarî kerd. Rixmo ke nê vengdayîşî di mengî xo dima verdayî hema zî derheqê 'heqê hêvî' de gamêke nêameye eştene. Endamê Heyetê Rayberdişî yê Baroyê Amedî Avukat Baver Mızrakî ke ANFyî rê derheqê babete de qisey kerd.

Avûkat Bawer Mizrakî ard ziwan bi serran o hem baroyî û hem zî rêxistine komalê sîvîlî derheqê 'heqê hêvî' de veng danê û nê vatî: ''Avûkatanê Birêz Ocalanî Mehkemeya Heqanê Merdiman a Ewropa (MHME) rê semedê cezaya muebetê giranî îtîraz kerd. MHME qerar girewt ke cezaya zîndanî ya heta mergî û rejîmê înfazî îşkence yo. MHME serra 2024î de Tirkîya ra waşt wa derheqê 'heqê hêvî' de huqûq de serûberkerdişan bikero û heta êlula 2025î mudet da ci. Pîya bi vengdayîşê Devlet Bahçeliyî na babete newe ra ame munaqeşekerdene.

Xora gerek 'heqê hêvî' xoser teberê prosesan de  çarçewaya heq û azadîyan de bêro destgirewtene. Semedê meseleya kurdan a ke 100 serrî yo dewam kena, heq û huqûq bîyî babeta bazarîye. Pîya bi prosesê dîyalogî yo ke çend mengî yo dest pê kerd, na babete tam bîya babeta bazarîye. Hem goreyê tecrubeyanê dinya hem zî goreyê rewşa Tirkîya gerek şertê azadxebityayîşî yê Birêz Ocalanî bêrê caardene ke o bieşko prosesî rayra bêro. Konseya Ewropa semedê caardişê heq huqûqî nêşina Tirkîya ser. Çunke nê prosesê bedilnayîş bedilyayîşî yê Rojhelatê Mîyanênî û dinya de Tirkîya rê rolêk ameyo fasilnayene.''