Endama Komîteya Zîndanan a PAJKî  Nejbîre Sêrt  ANFyî rê qisey kerd. Qiseykerdişê Sîîrte ra qismêk wina yo:

''Dişmen dîrek Rayberîya ma hedef geno. Netîceya nê de heme zîndanan de yeno waştene ke îradeyê hemrayanê bêro teslîmgirewtene. Tecrîd çend şino xorî beno. La têkoşîno ke vera nê yeno dayene nê polîtîkayan betal keno. Dişmen her wextî ra zafêr şino zîndanan ser. Dişmen wazeno çîyo ke nêeşka Zîndanê Amedî de bîyaro ca, nika bikero. Hemrayê ma yê cinîyî vera zextanê zîndanan têkoşînê xurtî danê. Ewro xora Tirkîya bi xo semedê cinîyan bîya zîndan. La cinîyî zîndan de raştê şîdetê tewr pîlî yenê. Dişmen wazeno planê xo yê çokdayîşî bîyaro ca.  Wazenê îdamî fîzîkî nê zîhînkî bikerê. Rayber Apo û hemrayê ke zîndan de yê şerê îradeyî yê girdî danê. Zîndanan de bi caardişanê taybeta wazenê hemrayanê ma nasnameyê xoverdayîşî ra bifînê dûrî û teslîm bikerê.

Eslê xo de teber de gerek zaf çî bêro kerdene. Xora qismêk yeno kerdene la no qîm nêkeno. Vera zext û zilmê zîndanan gerek zafêr xoverdayîşê zîndanan bêro wayîrvejîyayene. Vengdayîşê ma oyo ke wa paştî bidîyo xoverdayoxanê zîndanî. Gerek ma wayîrê Rayber Apo û heme ewlatanê xo yê kurdan û hemrayanê xo bivejîyê. Bi têkoşînê xurtî ma eşkenê ser bikewê. Ma gerek bi xo bikerê, çewî ra çîyêk mepawê û ya zî mepawê ke xo bi xo bbio.  Şarê kurd, cinî, ciwan û roşnvîrî, kesê ke bi îradeyê şarê vijîyayî, partîyê sîyasîyî û avûkatî ganî helêkê cuwa ver têbigêrê. Gerek ma pêro xo semedê prosesê têkoşînî  xo hazir  bikerê.''