Namzedê Partîya Çep a Keske yê Kocaelîyî Dr. Omer Faruk Gergerlîogluyî qezaya Darica ya Kocaelîyî de akerdişê buroyê weçînayîşî de qisey kerd.  

Gergerlîogluyî vat: ''Embazênê ma armanc kenê ke Kocaelî de 2 û welat de tewr tay 100 wekîlan bişawê Meclîsî. Ma kadroyêko xurt awan kerd û qetî ma do ser bikewê. Ma hê yenê û înan şawenê.''

Gergerlîogluyî vat: ''Çira kurdî yenê înkarkerdene? Çira meseleya kurdan yena înkarkerdene? Ma do pîya bivurnê, ma do cinîyan reyde bivurnê, ma do cuya newîye awan bikerê û welatî bivurnê demokrasî. Ê çendek zulmî bikerê zî do nêeşkê verê serkewtişê ma bigêrê. Ma do peynîya rejîmê otorîterî yê Erdoganî bîyarê. Ma do her a de bixebitê û weçînayîşan de ser bikewê.''