Zîndanê Patnosî de tepişte Zulkuf Kaya 2 saetan raştê îşkenceyê 20 gardîyanan mendbi. Avûkat Sertaç Çelîkkalelîyî Serdozgerîya Komare ya Patnosî de gerreyê îşkenceyî kerd. Avûkat Çelîkkalelîyî da zanayene ke Kaya îşkenceyî ra dima bê tedawî ame berdene bi koxûşî.

 Çelîkkalelîyî vist vîrî ke 21ê hezîrane de Kaya xo ra şîyo û sewqê revîrî de gardîyanan ey rê îşkence kerdo. Çelîkkalelîyî vat: ''Gardîyanan verê doktorî/e de Kayayî rê îşkence kerd, heqaret kerd û nêverda o tedawî bibo. Gardîyanan seba ke îşkence eşkera nêbo muwekîlê mi reyna berdo koxûş. Pêro embazê koxûşî yê Kayayî şahîdê nê îşkenceyî yê. Îşkenceyî ra dima muwekîlê mi nêameyo tedawîkerdene. Ma gerreyê gardîyanan kerd. Ma wazenê wa sûcdarî ceza bigêrê.''