Gever de dewijêk bi îşkenceyî tepişîya
Qezaya Geverî ya Colemêrgî de sereştişê dewan de kesêk verî maruzê îşkenceyî mend û dima zî tepişîya.
Hêzê dewleta tirke ya îşxalkere 18ê êlule de ra nata dewanê Memkava, Dara, Kaport û Nêbarê de vera dewijan terorî kenê.
Polîsan eştbi dewa Dara ser û dewijê bi nameyê Esat Çakmakî destbend kerdbi. Ame parekerdene ke Çakmak wextê destbendkerdişî de û 3 rojan nezaret de raştê îşkenceyî ameyo.
Çakmak vizêr sewqê Hakîmîya Cezaya Sulhe ya Geverî bi û pê îdîaya 'endamîya rêxistine' tepişîya.
