Serkêşê têgêrayîşê şorişgêrî yê çepa tirkan Denîz Gezmîş, Yusuf Aslan û Huseyîn Înan bi wesîleya serrgêra 52ine ya dardekerdişî de xeylêk şaristanan de ameyî yadkerdene.

Riha

Komeleya 78an a Riha verê Merkezê Ahmet Bahçivanî de eşkerayîyêke daye. Hemvervatoxê komele Vahît Akgunî pare kerd ke mîrasê hîrê şorişgêran şorişgêrkerdişê ciwanan û ciwankerdişê şorişgêran o.

Îstanbul

Rêxistinanê Ciwanan Merkezê Kulturî yê Beyogluyî ra heta Dolmabahçe rayraşîyayîş kerd û pankarta sey ''Ma vera emperyalîzm û faşîzmî rayîrê Denîzan de yê'' akerdî. Ciwanan sloganê sey ''Şehîdê şorişî bêmerg ê'' vatî û dima eşkerayîyêke daye. Eşkerayîye de ame vatene ke ciwanî do têkoşînê enternasyonî xurt bikerê.

Hêzanê Kede û Demokrasîyî zî Merkezê Kulturî yê Turkane Saylan de eşkerayîyêke daye û hîrê fîdanî yad kerdî. Dima înan heta Meydanê Gundogduyî rayraşîyayîş kerd û qeranfîlî eştî dengizî.

Adana

Hêzanê Kede û Demokrasîyî vengdayîşê Ciwananê Kede ser o Parka Ataturkî de bi sloganan rayraşîyayîşêk kerd. Ciwanan dima eşkerayîyêke daye û îfade kerd ke ê do bi rêxistinkerdişê xo tim têkoşînî rê dewam bikerê.

Antalya

Hêzanê Kede û Demokrasîyî verê Peykerê Attalosî de eşkerayîyêke daye. Eşkerayîye de pankarta ''Ma rayîrê Denîzan de yê, hetê Filîstînî de yê'' ameye akerdene.