Gola Wanî de keştîyêka multecîyan cûm bîye: 100 kesî vînbîyaye yê

Gola Wanî de roja 28ê hezîrane keştîyêka multecîyan cûm bîye binê awe. 100 multecîyî vînbîyaye yê.

Serranê peyênan de Wan de bi hezaran multecîyî verê çimanê dewlete de sînorî ra derbaz bîyî. Trajedîya multecîyan a Wanî qedîyena.

Zimistan de 50 multecîyî ke xîret kerdêne Îranî ra derbazê qezaya Çaldiranî bibê cemidîyayîşî ra merdî. Reyna wesayîtê multecîyan qeza kerdbi û tede 17 multecîyî merdbî û 50 multecîyî zî birîndar bîyî.  28ê hezîrane de mînîbusêke multecîyan ginaye wesayîtêkî û netîceya qezayî de tay multecîyî merdî, 41 multecîyî zî birîndar bîyî.

Tewr peyên zî Gola Wanî de keştîyêka ke tede multecîyî estbî cûm bîye binê awe. Yeno vatene ke 100 multecîyî vînbîyaye yê. Keştîye 27ê hezîrane de qezaya Westanî ya taxa Altinsaçî de kewte rayîr. Keştîye mîyanê awa Wanî de vîn bîye û nêameye dîyene.