Zîndanê Beylîkduzuyî yê Trabzonî de grevê vêşanîye yê vera teda dewam keno. 14 tepişteyî grevê vêşanîye de yê. Ahmet Oncu şi zîyareyê lajê xo Şahîn Oncu. Şahîn Oncuyî bi rayîrê babîyê xo qala binpaykerdişê heqan kerd.

Babî Oncuyî dîyar kerd ke zîndan de binpaykerdişê 12ê Êlule est ê û vat: ''Çîyo ke tepişteyan rê erşawîyeno, nêdîyeno tepişteyan. Kitab, radyo, rojnameyî nêdîyenê. Tepişteyan rê cigêrayîşo rût yeno ferzkerdene coka tepişteyî grevê vêşanîye de yê. Ma waşt ke îdareyî reyde qisey bikerê. La gardîyanan cewabê 'Ez dozger a û mudir a. Her çi ez a' da ma.''

Babî Oncuyî venga rêxistinan û pawitoxanê heqanê merdiman da ke zîndan de cigêrayîşî bikerê. Oncuyî vat: ''Eke HDP û CHP heyetêkî awan bikerê û şorê zîndanî, fam bikerê ke çi qewimîyayo. Tepişteyan vat ke eke tehqîqat bêro kerdene binpaykerdişê heqan do bêrê tesbîtkerdene.''