Nobeta Azadîye ke 25ê Hezîrana 2012 de bajarê Strasbourgî yê Fransa de vernîya Konseyê Ewropa dest pêkerde, a roje ra heta ewro bêmabên yena domnayene.

Her hewte welatanê cîya-cîyayan ra grûbek çalakî dewr gena. No hewte bajarê Marsilya ya Fransa ra Îlhamî Karakaya, M.Şîrîn Çîftçî, Mahsun Kuçukkaya û Engîn Karaagaç seba azadîya Ocalanî nobete tepişenê.

Çalakwanan Komîteya Vernîgirewtişê Îşkenceyan (CPT) û Mehkemeya Heqê Merdiman ya Ewropa (MHME) rexne kerdî û waştî ke wa wazîfeyê xo bîyarî ca û vera tecrîdî têbigêrî.

Çalakwanan vist vîrî ke Çalakîya Azadîye 7 serrî yo dewam kena û va:‘‘ Na çalakî eşkara ramojnena ke şarê kurdî senî bi hurmet û heskerdişî Rayberîya xo rê girêdaye yo. Heta azadîya Ocalanî do çalakîyê ma bêrî domnayene.‘‘