Bajarê Strasbourgî yê Fransa de vernîya Konseyê Ewropa (AK) de, çalakîya ke seba azadîya Rayberê Şarê Kurdî Abdullah Ocalanî yena viraştene, hewteyo 329. de bajarê Rennesî ra grûbeka newe dewr grewte.

Nobeta Azadîye ke hewteyo ke grûba Normandîya tepiştene no hewtê hetê grûba Rennesî ra ameye dewr girewtene.Grûbe de Gazî Karakoçan, Şehmûs Amed, Adem Çetînkaya, Hasan Xînîs ve Murat Xînîs ca genî.

RAYBERÎYA MA RE ÎŞKENCEYO SÎTEMATÎK NÎNO QEBÛL KERDENE

Çarçeweya çalakî de bi parlamenteranê Komîsyonê Ewropa dîyayîşêk ame viraştene. Çalakvanan derheqê tecrîdo girankerde yê Îmrali de zanayîş da û Ewropa ra waşte ke wa naye rê bêveng memanî.

Çalakvanan zilmê vera kurdan bi ziwano ke tûjî şermezar kerd û dîyar kerd ke îşkenceyo sîtematîk ê vera Ocalanî nîno qebûl kerdene.

Cayê Nobeta Azadîye de vizêr vera Komployê 9ê teşrîna verêne çalakîyêk ameyebî viraştene û qerarê Mehkemayê Heqê Merdiman yê Ewropa ke vera Ocalanî amebi girewtene, amebi protesto kerdene.