Serekwekîlka Grûba DEM Partî Gulistane Kiliç Koçyîgît Meclîs de kombîyayîşê çapemenîye de rojdem ercna.

Gulistane qurbanê Qirkerdişê Enfalî yad kerdî. Gulistane serrgêra operasyonanê KCKyî ya 2009î viste vîrî û pare kerd ke ê operasyonî bi temamî provakasyon bîyî. 

Gulistane bale ante zîyaretanê peyê pêvînayîşê Rayber Apoyî ser û vat: ‘’Ma Birêz Erdoganî de pêvînayîş kerd. Ma nê pêvînayîş de ard ziwan ke ganî tecrîdê Îmraliyî wedarîyo û Birêz Ocalan bieşko bi rehetî xebatan bikero. Aktoro tewr girîng o ke do haştîye û çareserîye bîyaro ca binê tecrîdî de yo. Meclîsî heta nika vera tecrîdî çîyêk nêkerd. Ganî na babete de Meclîs gamêke bierzo.

Hetê bînî ra ma do Wezîrê Edaletî Yilmaz Tunç de pêvînayîş bikerê. Ma do tecrîdê Îmraliyî, qanûnê înfazê ceza û babetanê bînan ser o qisey bikerê. Seba ke no proses aver şoro ganî Meclîs rol bigêro û zemînêkê huqûqî awan bikero.’’