Serekwekîla Koma DEM Partî Gulîstane Kiliç Koçyigît Meclîs de kombîyayîşê çapemenîye kerd û rojdem ercna. 

Koçyîgîte vist vîrî ke rojnamegerî Gulîstane Tara û Hêroye Bahadîn bombardumanê dewleta tirke de ameyê qetilkerdene û vat: ''Tirkîya bi qetilkerdişê kedkaranê çapemenîya azade sûcê şerî kerd. Nameyê ney înfazo bêmehkeme yo. Şer de rojnamegerî nênê hedefkerdene. La Tirkîya Silêmanî de xeylêk wesayîtê sivîlî, rojnamegerî, merdimî kerdî hedef. Îqtîdarê AKP-MHPyî mesuldarê nê qirkerdişî yo.

Polîtîkayanê îqtîdarê AKP-MHPyî şîdet zêdîna. No îqtîdar her roje cinîyan qetil keno. Merdimê ke govende gênê, deyîranê kurdkî goşdarî kenê û vanê her roje raştê hêrişî û tepiştişî yenê. Ma ferzkerdişê hemwelatîyanê bêtesîran qebul nêkenê. Erdogan zûran keno û nasnameyê kurdayetîye asteng keno. Erdogan Kenan Evrenî ra zafêr teda keno.''

Gulîstane bale ante teda û îşkenceyanê zîndanan ser û îfade kerd ke Wezîrîya Edaletî wa cade têbigêra û nê kerdişan tehqîqat bikera.