Hemaşredara Bajarê Pîlî yê Amedî ya verêne Gultane Kişanak badê hewt serran û nême ewro Dewaya Kobanê ra ameye tehlîyekerdene.

Gultana Kişanak verê zîndanî de hetê xeylêk kesan ra bi slogananê tîlîlîyan û slogana “Jin jiyan azadî” ameye pêşwazîkerdene.

Kişanake tîya kilm qisey kerd û nê vatî: ''Ewro çi heyf ke Dewaya Kobanê de embazê ma azad nêbîyî. Coka zerrîya ma pêrune teng a. Sereke Fîgene zaf silamî şawitî. Eslê xo de ma hewceyê tehlîye nê hewceyê azadîye û haştîye yê. Ma wazenê yew dinya de biciwîyê ke wa tede cinî, şarî û bawerî azad bê û nasname û ziwanî problem nêbê. Têna teberdebîyayîş azadî nîya.  Cayo ke tede huqûq, edalet û haştîye çîn a, tede çew nêeşkeno bibo azad. Ez semedê heme şaran ameyoxo azad wazena.”