Wekîla HDPyî ya Îstanbulî Zuleyha Gulum pare kerd ke înan zaf reyan pare kerd ke zîndanan de rîyê vîrusê Korona ra rîskêko pîl esto û beno ka xeylêk kesî do janî ra bimirê la çewî goş pa nêkewt. Gulume îfade kerd ke înan destpêkê janî ra nata vanê ke ganî tepişteyî bêrê veradayene. Gulume ard ziwan ke xebere yena înan ke zîndanan de rîsk beno vila.

Gulume vat: ''Testê 120 tepişteyan pozîtîf vejîya, Zîndanê Silîvrî de rewşe krîtîk a. Zîndanan de rîskêko pîl esto. Çunke tepişteyî nêeşkenê îzolasyonê komelkî bîyarê ca. 30-40 kesî heman koxuşî de manenê. Eke vîrus bikewo koxuş pêro tepişteyî  pê bikewê. Xora xeylêk tepişteyan de cara nêweşîyê kronîkî estê û tay tepişteyê sey Sabrî Kaya rewşa înan giran a. Nê prosesî de nêveradayîşê tepişteyan nêno qebulkerdene.''