Vervatoxa HDPyî Ebru Gunay Merkezê Pêroyî yê partîya xo de kombîyayîşê çapemenîye kerd. Gunaye derheqê rojdemî de qisey kerd.

Qiseykerdişê Gunaye ra beşêk wina yo:

''Vera polîtîkayanê tekperest û înkarî yê emperyalîstan şaranê Rojawanî şoriş kerdbi. No Şorişê Rojawanî verê çareserkerdişê pêro meseleyanê Rojhelatê Mîyanênî de sey aternatîf vejîya werte. Ma do şorişê şaran, cinîyan û komanê bawerîyan fîraz kenê. Modelê Îdareyê Xoserî yê Rojawanî netîceya bedelanê giranan de awan bi û Îdareyo Xoser ewro raştê hêrişanê giranan yeno. Çinkerdişê DAÎŞî ra dima dişmenanê raştikênan dest pê hêrişanê vera Rojawanî kerd.

Qirkerdişê Pirsûsî seba ke ê ciwanan paştî dayêne Kobanê ame kerdene. A roje ra heta nika Tirkîya de şerê vera merdimîye yenê kerdene. Rixmo ke qirkerdişî hende serrî xo pey de verdayî hema zî kiştoxî yenê pawitene. Ma do têkoşînê xo yê edaletî rê dewam bikerê û qetî hesabê nê qirkerdişî bipersê.

Şorişê Rojawanî ewro binê gefê hêrişan ê Tirkîya de yo. Nê hêrişî bi serran o dewam kenê û benê sebebê merg, koçberîye û rijnayîşî. Erdogan wextê peyênî de seba hêrişanê neweyan NATO, Amerîka û Rusya de karanê dîplomatîkan keno û xîret keno ke destûrê hêrişan bigêro. Çareserîya meseleya kurdan ê cayan de nê na cografya de ya. Ê seba çinkerdişê Şorişê Rojawanî hêrişan ra ber rayîrêkî nêvînenê. Hêrişê vera Rojawanî yenê manaya çinkerdişê destkewteyanê kurdan. Rojawan de haştîye û cuyêka têdûşte serdest a. Cergê DAÎŞî bi rehetî Tirkîya ra derbazê herêmanê Rojawanî benê û binê serwerîya Tirkîya de xo nimnenê. Ma reyna vanê ke nê şerî de dişmenê kurdan, qesr û cergî nê şarê kurdî do ser bikewo. Eke Tirkîya hêrişê Rojawanî bikera krîzê pîlî do biqewimîyê û cergê DAÎŞî xurt bibê.''