Guvene: Mi vengê çalakwananê vizêrî eşnawit

Leyla Guvene ke zîndan de sey rehîne yena tepiştene û 65 rojî yo seba wedartişê tecrîdê serê Ocalanî grevê vêşanîye de ya vat ke vizêr çalakîya ke seba paştîdayîşî vernîya zîndanî de ameye viraştene, vengê ci resa mi û çalakwanan rê silamê xo şawitî.

Hemsereka KCDyî û parlamentera HDPyî ya Colemêrgî  Leyla Guvena ke 65 rojî yo seba wedartişê tecrîdê serê Rayberê Şarê Kurdî Abdullah Ocalanî grevê vêşanîye de ya û weşîya ci merhaleya krîtîke de ya vat ke vizêr vengê çalakwanan şiyo aye.

Kênaya Guvene Sabîha Temîzkane  hesabê xo yê medyaya sosyale ser a da zanayene ke aye bi telefonî maya xo dir qisey kerd û nê parî kerdî: ‘‘Maya mi bi hetkarîya personelê zîndanî ameye serê telefon û vat ke bi sebebo ke xebere aye tede estê ewro rojanameyê Yenî Yaşami nêdîyayo ci. Maya mi vat ke aye vizêr vengê çalakwananê verê zîndanî eşnawito û înan rê silamê xo şawitî.‘‘