Şaristanê Hannoverî yê Almanya de ciwano kurdo 16 serre Halîm Dener 1994 de wexto ke afîşê ERNKyî daliqnayêne hetê polîsanê almanan ra amebi kiştene. Dener cayê kiştişî de ame yadkerdene. IL Hannover, Meclîsê Cinîyan ê Ronahî, FemMigra, Rote Hilfe, Defend Rojava Hannover, Migra Bündnis, YXK Hannover, TCS Hannover û Koma Kampanya Halîm Dener tewrê yadkerdişî bîyî.

Qiseykerdişan de ame vatene ke ewnîyayîşê Almanya yê vera kurdan nêvurîyayo û şexsê Denerî de Almanya kurdan û têgêrayîşê azadîye terorîze kena. 

Qiseykerdişan ra dima vilawekî ameyî vilakerdene, girseyî cayê cînayetî de qeranfîlî nayî ro û findî tavistî.

Yadkerdiş bi slogananê sey 'Şehîdî nêmirenî' û 'Biciwîyo xoverdayîşê Zapî' qedîya.