Hamburg, Torino û Toulouse de tecrîd ame protestokerdene

Bajarê Hamburgî yê Almanya de mîtîngêk ke vera tecrîdê ser Rayberê Şarê Kurdî Abdullah Ocalanî ame viraştene, posterêko gird yê Ocalanî ame akerdene. Bajarê Torino ya Îtalya û bajarê Toulouse ya Fransa de zî çalakîyê protestoyî ameyî viraştene.

Mîtîngê Hambûrgî de kurdî û dostê ci ameyî têhet. Nameyê Meclîsê Cinîyan yê Rojbînî ra Leyla Kaya vilawekêk wend. Leyla dîyar kerd ke hete azadîya Ocalanî kurdî kuçeyan ra nêvejîyenî.

Komîteya Dostîye ya Kurdan ra Robert Jaroway zî ard ziwan ke Ocalan tena semedê kurdan nê, semedê heme şaranê bindestî ûmid o.

Reyna vera tecrîdî,  KNK zî tede 20 dezgeh û rêxisinan ra zî şîrik vilawekêk ame wendene.

Çalakwanan ra Rahşan Gune, Ahmed Guneş, Mîthat Kaya û Firat Doganî zî nameyê çalakwanan ra Ocalanî rê giredayîye û heskerdişê xo ard ziwan û va: ‘’Ocalan îradeyê ma yo û ma wayîr îradeyê xo vejîyenî.’’

TORINO

 Bajaranê Trorino û Pinerola yê Îtalya de zî bi eynî waştişî çalakîyî ameyî viraştene. Niştox Devîde Grasso zî tewrê çalakîya Trorino bi û tecrîd şermezar kerd.

TOULOUSE

Bajarê Toulouse ya Fransa de zî tecrîd o komploya 9ê Teşrîna verêne ameyî protestokerdene. Partîya Antî-Kapîtalîst NPA, Sendîqaya Solîdaîre û Rêxistinê Komînîst Marksîst Lenînîstî yê Rayê Karkeran zî paştî da ci.