Komeleya Kultur û Hunerî ya Serhedî 19ê hezîrane de kayê xo yê tîyatroyî "Heylo! Dîsa Tevlîhev Bû" Merkezê Kulturî yê Şaredarîya Tetwanî de do bimojnayêne. La kay bi bira Qeymeqamîya Tetwanî ya Bedlîsî amebi qedexekerdene û hetê polîsan ra amebi astengkerdene.

Dima ke mîyanê rayaumûmîye de vera qedexeyî nêrazîbîyayîşî zêdîyayî eşkera bi ke hayîya qeymeqamîye bi bire çin a. Dîya zanayene ke Mudirê Karanê Nuşteyan Aydinî û polîsan kay qedexe kerdo. Qeymeqamê Tetwanî Refîk Aydinî ekîba ŞanoWanî rê telefon kerd û ard ziwan ke eke xeberî wedarîyê o do destûr bido kayî.

Wekîlê HEDEPî yê Bedlîsî Huseyîn Olanî babete 20ê hezîrane de bi persnameyî berdbî Meclîsî. 30ê teşrîna verêne de cewab dîya persnameyî û ame vatene ke Qeymeqamîya Bedlîsî bira qedexeyê kayî nêdaya.