HBDH'yî bi eşkerayîyêka nuştekîye da zanayene  ke 3'ê Teşrîna Verêne qezaya Belenî ya Hatayî de hêzanê gerîla verba komêka leşker a bi têgerayîşî çalakîyêk viraşte. Netîceyê çalakîye de wesayît qeldîya û 2'yê înan çawuşê pisporî û di'yê înan payeberzî 4 leşkerî ameyî kiştene 5 leşker zî birîndar bîyî.

HBDH'yî eşkera kerd ke seba vîrameyîşê di şervananê komunîstan Ozan Sokmen û Firat Şera înan na çalakîye viraşte  ke Sokmen û Şeran Edene de verba sewayîtê polîsan çalakîyêka bombayî kerdibi, Eskîşehîr de wexto ke keye de bîyî ameyî qetilkerdene.