Têgêrayîşê Şorişê Şaran ê Yewbîyayeyî (HBDH) pê eşkerayîyêka nuştekîye da zanayene ke prosesê janî de faşîzm û kapîtalîzm komelan rê gef waneno û vat: ''Nêno qebulkerdene ke têkoşîn pê keye û medyaya komelkî bêro sînordarkerdene.

Eşkerayîya HBDHyî wina dewam kena: ''Îqtîdar faturaya janî karkeran, kedkaran û cinîyan rê birneno. Îqtîdar pê vetişê karî, xirabîya şertanê xebate hêrişê karkeran û destkewteyanê kedkaran keno. Nê prosesî de şîdetê vera cinîyan zêdîya. Keyeyî her tim seba cinîyan bîyî warê serdestîya camêrdan. Serdestîya camêrdan seba cinîyan janî ra xirabêr a. Pê qanûnê înfazî zî tacîz û tecawuzî ameyî meşrûkerdene.

Îqtîdaro ke jan xo rê sey firsendêk dîyo Kurdîstan de zî pê qeyûman dest nano şaredarîyan ser. Bêmabên şer dano dewamkerdene. Nêno qebulkerdene ke têkoşîn pê keye û medyaya komelkî bêro sînordarkerdene. Ma xo pasîf nêkerê kuçeyan veng nêverdê Ma zanenê ke cuyêka weşe û komelêko azad binê serwerîya sîstemê kapîtalîstî û serwerîya dewleta faşîste de nêeşkîyenê bêrê caardene. Ma do dewleta faşîste birijnê, têkoşînê şiknayîşê kapîtalîzmî dewam bikerê.''