Têgêrayîşê Şorişgêr ê Yewbîyayeyî yê Şaran (HBDH) bi wesîleya serrgêra ronayîşê xo ya 4ine kombîyayîşê çapemenîye kerd. Kombîyayîşo ke hetê endamê Konseya HBDHyî Tegmen Ali û endamê Komîteya Rayberdişî ya HBDHyî ra ame kerdene de mesajê xurtkerdişê têkoşînî dîyayî.

Tegmen Aliyî nê ernayîşî û vengdayîşî kerdî: HBDH demêko tarîxkî de ame ronayene û seba rijnayîşê faşîzmî baro giran girewt xo ser. Nika ma kewenê sarra 4ine û bi tecrubeyêkê xurtî û gamanê girdan ver bi serkewtişî şinê. Karê ma hemeyan o esas oyo ke ma şorişî aver bêrê. Perspektîfê ma yê serra çarine ya pêrodayîşî no yo. Nika wextê şorişî yo. Semedê azadkerdişê şaran wextê averşîyayîş o. Wext wextê bi qerardarîye ver bi serkewtişî şîyayîş o.

Tekin Yoldaşî zî nê vatî: Ma sey HBDHyî hedef kenê ke emser têkoşînê xo girdêr bikerê. Ewro koyanê Kurdîstanî û Tirkîya de gerîlayê ke şer kenê û metropolan de mîlîsê ke têkoşîn ray ra benê estê. Zîndanan de xoverdayoxê têkoşînê azadîye estê. Her kes zaf hol zano ke peynîya faşîzmî nizdî yo. Ma veng şarê xo danê ke wa têkoşînî xurt bikerê. Ma do pêro pîya vera faşîzmî têkoşîn bikerê û ser bikewê.