Eşkerayîya nuştekîye ya HBDH'yî de ame parbekerdene ke şarê Rojawanî têna nîyo û îşxalkarîye do seba dewleta Tirkî biba bedelêko giran. HBDH'yî parbe kerd ke pêroyê hêzê leşkerî, dezgehê lojîstîk yan zî keyeyî û medyayê ke paşt danê îşxalkarîye, hedefê înan de yê.

Eşkerayîye de hesasîyetê prosesî ame vîrvistene û ame vatene, "Ma vengê xo berz kenê, Şorişê Rojawanî seba şaranê bindestan roşnîya hêvîye ya. Ganî destûr nêro dayene ke na roşnîye bêra hewnakerdene, ganî bêra pawitene û berzkerdene. Bi nameyê Têgêrayîşê Şorişgêrî yê Yewbîyayeyî yê Şaran verba na îşxalkarîye ma şaranê Rojawanî reyde yê." Eşkerayîye de ame vengdayene şaranê bindestan ê Tirkîya û Kurdistanî, karkeran, kedkaran, cinîyan û ciwanan ke her ca de û pê her çi verba îşxalkarîye tê bigêrê.