Têgêrayîşê Şorişgêrî yê Yewbîyayeyî yê Şaran (HBDH) semedê serrgêra şehîdbîyayîşê Ûlaş Bayraktaroglûyî eşkerayîyêka nuştekîye daye.

Eşkerayîye de ame vîrardene ke Ûlaş Bayraktaroglû (Mehmet Kurnaz) 9'ê Gulana 2017'î de Reqa de şerê vera çeteyanê DAÎŞ'î de şehîd kewt û ca dîya nînan: Ûlaş Bayraktaroglû bi cuye û têkoşînê xo bîyo şorişgêrêko ke sey nimûneyêk bêro dîyayene, xebatê awankerdişê HBDH'yî de ca girewt û seba ke xebatê awankerdişî ser bikewê bi heme hêzê co xebitîya, o bi serkêş û pawitoxanê têkoşînê şorigêrî yê yewbîyayeyî ra yew. Ûlaş Bayraktaroglû hîna ciwanîye de dest bi şorişgêrîye kerdo, hertimî seba bedeldayîşî xo pey de nêgirewto û timî cehd kerdo ke têkoşîn hîna averde şoro. Bi hawayê rayberîyê awankerdişî yê Hêzê Azadîye yê Yewbîyayeyî (BOG) û bado DKP (Parîya Komunar a Şorişgêre) derbaz tarîxî bi. Seba ke koyanê azadan de xeylî şorigêrî bibê kadro û prosesê hemleya ya ke tedeyê biresa serkewtiş kedêka girde daye. Ey bi xo Rojawanî de vera çeteyanê DAÎŞ'î de têkoşîn de, mîyanê xeylî pratîkê şerî de cepheyanê tewr verênan de serkêşîya têkoşînî kerde. Sere de hemleya Mînbîcî de, tewrê xeylî şeran bi û serkêşîya têkoşînê vera çeteyanê DAÎŞ'î kerde. Hemra Mehmet Rojawanî de wexto ke mîyanê têkoşînî de bi, hetê bînî ra Tirkîya de zî seba rêxisitinbîyayîşê hêzanê azadîye û mîyanê têkoşînî de, seba vera faşîzmê AKP'ê rêxistinêka mîlîtanî zî rayra berdêne. Ûlaş Bayraktaroglû do mîyanê têkoşînê ma de biciwîyo . Ma soz danê ke û têkoşînê şorişgêrî yê Tirkîya do  xurt bibo û rejîmê faşîstî bin bikero.