Vervatoxa Komîsyona  Macîr Multecîyan a HDPyî Gulsum Agaoglu seba ke dewleta tirke badê vînîbîyayîşanê Îdlîbî multecîyî hedef girewtî eşkerayîyêka nuştekîye daye.

Agaoglu da vist vîrî ke hukmato ke reyna kewto tengayî sey tim multecîyan ser o bazarîye keno û vat: ''AKPyî badê vînîbîyayîşanê Îdlîbî eşkera kerd ke ê  do bêranê sinoran semedê multecîyan abikerê. Îqtîdar multecîyan sey çeke şuxulneno. Badê eşkerayîya hukmatî multecîyan verê xo da sînoranê Bulgarîstan û Yunanîstanî ke bi rayîranê bitehluke vejê teberê welatî. AKP hersê tradejîya Îdlîbî ya ke netîceya gunayanê înan a multecîyan ra vejeno. No  sûc o.  AKPyo ke multecîyan sey çeke şuxulneno do bibo berpirsîyarê merganê multecîyan. Ganî cade na xeletîye ra bêro agêrayene. AKP wa nê sûcî ra peyser agêro û berpirsîyarîya xo ya sîyasîye bîyaro ca.''