Komîsyonê Heqanê Merdiman û Huqûqî yê Partîya Demokratîke ya Şaran (HDP) derheqê rîskê virusê Korona yê serê zîndanan de eşkerayîyêke daye. Eşkerayîye de berpirsîyarê komîsyonî Umit Dedeyî qisey kerd. Dedeyî eşkerayîye de bale ante Grup Yorum û avûkatê ke ameyî destbendkerdene ser û vat mudaxaleyo bi zorî nêno qebûlkerdene û destbenkerdişê avûkatn rexne kerd.

Dedeyî waşt ke vera nêweşîya Korona semedê êyê ke zînandan de yê nê tedbîrî bêrê girewtene.

Wa tepişteyê nêweş û extîyarî bêrê verdayene û wa cezaya hukmwerdeyanê nêweş û extîyaran zî pey de bêro eştene.

Wa berê cayê hawagirewtişî tim akerde bê qet nêrê qefilnayene.

Wa Wezîrîya Edaletî cade tê bigêro koguşan de goreyê hûmara ci tepişteyî bêrê cakerdene.

Wa werdê tepişteyan hem hetê pakîye ra bêro kontrolkerdene hem zî werdo bivîtan bêro dayene ke ê bedenê înan xo nêweşîye ra bipawo.

Wa dadîyê bidomanan û domanê nêweşî, tepişteyê nêweş û extîyarî cade bêrê tehlîkerdene.

Wa Wezîrîya Edaletî zanayîşano eşkero bido ke qesawetê merdimanê tepişteyan biqedîyo.

Wa pêvînayîşê avûkatan de tedbîrê pakîye bêrê girewtene ke tepişteyî bêrê pawitene.

Wa şertê personelê zîndanan zî newe ra berê destgirewene ke semedê hîjyenî xebatî bêrê kerdene.

Wa heqê telefonkerdişî bêrê zêdînayene û avûkatî zî bieşkê telefon bikerê  ke keyeyê tepişteyan zaf meqerqilê