HDP: Hewcedarîya wargehî ya wendekaran wa bêra caardene

HDPyî paştî daye Kampanyaya 'Ma nêeşkenê xo bidevirnê' ya wendekaran û waşt cade hewcedarîya wargehî ya wendekaran wa bêra caardene.

Hetkarê Hemserekanê HDPyî yê Komîsyonê Polîtîkayanê Kultur, Ziwan, Huner, Perwerde û Sporî Selîm Kaplanî pê eşkerayîyêke bale ante meseleya cayê mendişî ya wendekaran ser.

Eşkerayîye de ame vatene ke îqtîdaro ke qesran, keyeyanê luksan xo rê virazeno ganî cade meseleya cayê mendişî ya wendekaran çareser bikero. Kaplanî pare kerd ke kîraya keyeyan zêdîyaye, wargehê zanîngehan zî wendekaran rê qîm nêkenê.

Eşkerayîye de ame waştene ke meseleya cayê mendişî ya wendekaran bêra çareserkerdene û perwerdeyê bi ziwanê dayîke bêrê caardene.

HDPyî vat: ''Ma paştî danê Kampanyaya 'Ma nêeşkenê xo bidevirnê' ya wendekaran û ma venga pêro partîyan ê sîyasîyan danê ke semedê çareserkerdişê meseleyanê wendekaran xîret bikerê.''