Heyetê Rayberî yê Merkezê Partîya Şaran Demokratîke (HDP) eşkerayîyêka nuştekîye weşanaye û vat, ”Bi felsefeya xo ya cuye û rayraşîyayîşê înan ê rayîrê azadîye de xeylî şorişgêrî menga Gulane de şehîd kewtî û tarîxê şaran de ca girewt. Îbrahîm Kaypakkaya 46  serrî verê cû îşkenceyan de ame qetilkerdene. Kaypakkayayî vîr û bawerîyêka xurt a têkoşînê ma rê verde û ciwanîya xo de cuya xo feda kerde. Eynî wext de vera derbeya 12’ê Êlule ya 1980’î de Ferhat Kûrtay, Mahmût Zengîn, Eşref Anyik û Necmî Oner zî bedenê xo da verê adirî û da zanayene ke ê vera hêrişanê faşîstan sere nêna ro. Ê rojan ra heta ewro, heme têkoşeran mîras û berpirsîyarîyêka girde xo pey de verdaye. Ma şorişgêranê Şehîdan ê menga Gulane bi hûrmet yad kenê û sozê xo yê awankerdişê xeyalanê înan duberê kenê.”