Heyetê HDPyî çarçewa 'Kombîyayîşê Nan û Karî' de qezaya Hopa ya Artvînî ya herêma Dengizê Sipî de xebetanê xo dewam keno. Heyet de Berpirsîyarê Komîsyonê Ekonomî yê HDPyî Garo Paylan û Wekîl Erol Katircioglu zî heyet de ca gênê. Heyetî verî Odaya Sanayî û Bazirganîye ya Hopa zîyaret kerde û derheqê rewşa sektorî de qisey kerd.

Heyetî dima Rêxistina HDPyî ya Hopa de kombîyayîşêk kerd. Paylanî kombîyayîş de qisey kerd û da zanayene ke HDP do 2 rojan herêma Dengizê Sipî de meseleyanê şarî goşdarî bikero û vat: ''Qesre na pandemî de pirnikanê şarî ra ardo. Ma do meseleyanê şarî berê Meclîsî.''

Endama Komîsyonê Ekolojî yê HDPyî Menekşe Kizildere zî eşkera kerd ke Artvîn de 129 projeyê HESî estê û hînî Hopa nêeşkena nefes bigêra.

Heyet herême de zîyaretanê xo rê dewam keno.