Hemserekanê HDPyî Pervîne Buldan û Mîthat Sancarî bi mesajêkî Roşanê Qurbanî fîraz kerd.

Mesaj bi kilmî wina yo: ''Ma binê atmosferê şer, hêrişanê topyekûnan, krîzanê ekonomîk û sîyasîyan, feqîrîye û vêşanîye de Roşanê Qurbanan pêşwazî kenê. Komel polîtîkayanê şer, rant û talanî yê AKPyî ra hesreta roşananê raştikênan mend.

La têkoşînê partîya ma û komelî û waştişê şarî mijdanîya vurîyayîşî danê. Nê rojan de hêvîya ma her wextî ra zêdêr a. Kongreya ma mojna her kesî ke serkewtiş û serfîrazî nêzdî yê. NÊ waştiş û têkoşînê vurîyayîşî sebebê têkoşînê ma yê. Ma do qerî roşanê ke şarê ma layîqê ci yo, dîyarîya ci bikerê. Ma Roşanê Qurbanan fîraz kenê. Ma hêvî kenê ke no roşan sere de alemê Îslamî rê pêro şaranê Rojhelatê Mîyanênî û şaranê dinya rê haştîye, azadîye û têdûştîye bîyaro.''