HDPyî Roja Azadîya Çapemenîye ya Dinya fîraz kerde û vat: ''Rojnamegerîye Tirkîya de vurîyaye karêkê winasênî ke ganî merdimî merg, tepiştiş, bêkarîye û xeylêk rîskan bigêrê verê çimanê xo û wina bixebitê.''
Hetkarê Hemserekan ê Pêroyîyan ê HDPyî yê Komîsyonê Çapemenîye, Weşane û Propaganda ra Berpirsîyar Tayyîp Temelî Roşanê Azadîya Çapemenîye yê Dinya fîraz kerd.
Eşkerayîye de ame vîrvistene ke goreyê doneyanê RSFyî Tirkîya mîyanê 180 welatan de warê azadîya çapemenîye de rêzê 153. de ya û îqtîdarê Tirkîya pê vergirewtişê azadîya çapemenîye wazena raştîyan binimna.
Eşkerayîye wina dewam kena: ''Seba ke îşkence binimno îqtîdar biranê îlegalan gêno û wazeno rojnamegerî karanê xo bi hawayêkê azadî nêkerê. La ê do nêeşkê raştîyan binimnê. Rojnamegerî pê qelem û kamreyanê xo peyê raştîyan de yê.Rojnamegerî pê xebat û xîretê xo tedayanê îqtîdarî îfşa kenê. Îşkence, kiştiş, şer, qirkerdiş, bêusûlî, îstîsmarê domanan, rewşa janê hetê rojnamegeran ra cigêrîyenê û eşkera benê. Pê qelema înan raştîye mîyanê tarîtîye de nêmanena. Roja Kedkaranê Çapemenîye yê ke raştîye war nêverdenê fîraz b.'
