Hemvervatoxa Komîsyonê Multecîyan û Koçberan a HDPyî Gulsume Agaoglu derheqê tehlûkeyê vîrusê Korona yê multecîyan de ewro qisey kerd.

Eşkerayîya nuştekîye de nê çîyî ameyî parekerdene:

''Sînorê Tirkîya û Yunanîstanî de multecîyî binê tehlûkeyêkê pîlî de yê. Multecîyî xîret kenê ke vera vêşanîye, têşanîye û mendişî têkoşîn kenê la no vîrus rewşa nikayêne giranêr keno. Hukmat ganî bi lazabezî  mudaxele bikero. Eke no vîrus nêro kontrolkerdene multecîyan rê do tesîrêkê pîlî bikero.

Ma venga hukmatî danê ke hewcedarîyanê bingeyînan ê multecîyan peyda bikero û tebdîran bigêro. Eke no vîrus derbazê multecîyan bibi ganî nê kesî bêrê tesbîtkerdene û weşkerdene.''