Hetkara Hemseraknê HDPyî ya Komîsyonê Kede ra Berpirsîyare Şazîye Kose eşkerayîyêke weşanaye û pare kerd ke akerdişê AVMyan ke 11ê gulane de do bêrê akerdene, do bibo sebebê pêlê diyînî yê janê vîrusê Korona.

Eşkerayîye de ame vatene: ''11ê gulane de AVMyî do bêrê akerdene. Pê nê qerarî xebatkarî, kedkarî sermaye rê ameyî teslîmkerdene. Merdimê ke bi mengan keye de mendî akerdişê AVMyan seke 'rîskê janî qedîyayo' biercnê û bi hawayêkê rehetî têbigêrê. Ganî qerarê Rêxistina Weşîye ya Dinya ser o bêro vindertene û heta ke jan nêro kontrolkerdene ganî AVMyî nêrê akerdene.''