Vervatoxanê Komîsyonê Şaran û Bawerîyan ê HDPyî Tulaye Hatîmogullari û Turgut Okerî bi wesîleya serrgêra 97. ya Pogromê 6-7ê Êlule eşkerayîyêke daye.

Eşkerayîye de wina ame vatene: ''Îstanbul, Îzmîr û şaristananê bînan de sere de armenî û rûmî xeylêk hemwelatîyê musewî û xirîstîyanî 67 serrî verî raştê pogromî ameyî. Pogrom de keye û dikanê înan ameyî talankerdene, seba asayîşê ganê xo û rîyê tedayan ra nê hemwelatîtî neçare mendî ke welatî biteriknê. Seba ke ma vajê 'Hînî qet nêbo' ganî ma nê pogromî de têrî bêrê. Heta nika no pogrom bi fermî nêame şermezarkerdene, tazmînat nêdîya û uzr nêame waştene.

Pogromê 6-7ê Êlule polîtîkaya dewlete bîye û na polîtîka hema zî dewam kena. Seba hemwelatîyêka têdûşte ya musewî û xirîstîyanan ganî na şermî de dewlete têrî bêra, faîlan bivîna, xesarê mal û ganî tesbît bikera, tazmînat bida mexdûran û keyeyanê înan.

Ma qurbananê Pogromê 6-7ê Êlule bi hûrmet û huznî yad kenê. Seba ke dejê winasênî reyna nêqewimîyê ma do bi qerardarî têkoşînê xo bîyarê ca.''