Mehkemeya Qanûnê Bingeyî hetkarîya xezîne ya seba HDPyî vizêr bloke kerdbî. Serdozgerê Komare yê Mehkemeya Berze Bekîr Şahînî îdîayê dewaya qefilnayîşê vera HDPyî sey sebebî mojnabî. Hetkarê Hemserekanê HDPyî Tayîp Temelî vera qiseyanê Şahînî îdîayî rêz kerdî û îfade kerd ke pê dek û dolaban yeno waştene ke HDP bêro krîmînalîzekerdene.

Temelî hesabê xo yê medyaya dîjîtale de bi hashtaga #GaspVar (Xesp est o) nê çîyî pare kerdî:

* Dozgerî destpêk de vato ke merdim eşkeno bi rayîrê qiseyanê partîya ma bireso netîce, hukm bido û bi nêmojnayîşê tewirî yê vera serebûtan ma sûcdar kerdê. Argumano sereke no yo: 'Şermezar kerd/nêkerd.' No arguman destpêkê nê dek û dolaban o.

*Sebebê blokkerdişî yo bîn zî aqilî ra dûrî yo: Ameyo vatene ke ma vato 'çareserkerdişê meseleya kurdan û haştîye de Îmrali muxatabêk o.' Tîya de pêro prosesê çareserîye yeno muhakemekerdene. 

*Odayêka Meclîsî de wekîlêkî/e bernameyê TVyî de vato 'budçeya şerî.' Babeta tecrîdî kursîyê Meclîsî de kerda arguman. No skandal o. Ganî mehkeme derheqê ney de eşkerayîye bida.

* Qiseyê 'polîtîkayanê şerî ra yo' bîyo sebeb. 

* Rixmo ke mehkeme bêusûlîya terefgîranê AKPyî û talanê qeyûman rê veng nêkena pê blokekerdişî HDP krîmînalîze kerdo.

* Sebebê mehkeme huqûqî nîyê, îdîayê ci sîyasî yê. Ma do nê rejîmê xespkerî bierzê çopê tarîxî.