HDPyî venga şarî da ke şûmşînan de Newroze fîraz bikero
Partîya Demokratîke ya Şaran a ke vîrusê Korona ra şayîyê Newroze batal kerdî sey alternatîf venga her kesî da ke wa 20ê adare de bivejîyo şûmşînan.
Goreyê eşkerayîya hesabê HDPyî ya twitterî ame vilakerdene ke venga her kesî ame dayene ke 20ê adare de bivejîyo şûmşînan û pancerayanê keyeyî ra Newroze fîraz bikero.
Eşkerayîye de bi hashtagê ''#NEWROZHERYERDE'' (Newroze her ca de ya) nê çîyî ameyî parekerdene:
''Ma weşîya xo û komelê xo nêvisnê tehlûke la ma do senî Newroze fîraz bikerê? Ma 20ê adara 2020î de keye, pancera û şûmşînan de Newroze bi roşnîye, tîlîlî û deyîranê xo fîraz bikerê. Ma do nê vengdayîşî vila bikerê bi hashtagê ''#NEWROZHERYERDE'' pîya kom bibê.''
