Komîsyonê Huqûq û Heqanê Merdiman ê HDPyî û avûkatanê partîye seba ke merkezê hetkarî yê Hasankoca yê Bazarcixî bi caarkerdişê qeyûmî ame xespkerdene û falîyetê hetkarî ameyî astengkerdene, derheqê Wezîrê karanê Zereyî yê Tirkî Suleyman Soylu, Walîyê Mereşî Omer Faruk Coşkun, Qaymeqamê Bazarcixî Mustafa Hamit Kiyici,  Fermandarê Cendirmeyan û heme selahîyetdaranê derheqê babete de ferman dayo û tewrê çalakîya sûcî bîyî de, pêhesnayîşê sûcî kerd.

Pêhesnayîşê sûcî de ame vatene ke Merkezê Hetkarî yê Cemxaneyê Hasankocayî ke tede qeyûm ame cakerdene û ame destsernayene de têna falîyetê  hetkarî nêameyêne organîzekerdene, eynî wextî de mexdûrê erdlerzî zî nê merkez de manenê.

Waştişnameyê pêhesnayîşê sûcî de ame vatene ke qaymeqamê Bazarcixî pîya bi seyan leşkeran ke destê înan de tifîngî estbî, eşt nê warê haştîye ser û vat înan dest nayo bîna û hetkarî ser. Qeymaqamî vato o tîya şeş kesan ra îdareyêk ca bikero û TIRî zî tede dest nayo heme malzemayanê hetkarî ser.