Heyetê HEDEPî yo ke Hemserek Tuncer Bakirhan, Vervatoxê Komîsyonê Bawerî û Şaran Yuksel Mutlu û wekîle Gulîstane Kiliç Koçyîgît ra yenê pê, dezgehê elewîyan zîyaret kerdî. Zîyaret Komeleya Pîr Sultan Abdalî de ameye kerdene. 

Federasyonê Elewîyanê Bektaşîyan, Komeleya Kulturê Elewîyan û Koeleya Kulturî ya Pîr Sultan Abdalî tewrê zîyaretî bîyî.

Hemserekê HEDEPî Bakirhanî ard ziwan ke seba muxalefetê komelkîyî wext wextê yewîye yo. Bakirhanî meseleya elewîyan û kurdan dewam kena û vat: ''Ma xîret kenê ke sey muxalefetê komelkîyî têbigêrê. Ganî ma bêrê yewca û nika ra îtîfaqê xo ronê.''

Nameyê dezgehanê elewîyan ser o Mustafa Aslanî pare kerd ke waştişê elewîyan tim yenê redkerdene û vat ke ganî ê yew bibê.

Heyetê HEDEPî û dezgehanê elewîyan bale ante weçînayîşanê herêmîyan ser û seba yewîye veng da. Dezgehanê elewîyan seba zîyaretî HEDEPî rê sipas kerd.