Hemsereka Pêroyî ya Sendîkaya Kedkaranê Xizmetê Weşîye û Umûmîye (SES) Selma Atabey zî tede 8 îdarekarê SESî bi îdîaya 'propaganda û endamîya rêxistine' ameyêne muhakemekerdene.

Roniştişê dewa vizêr Mehkemeya Cezaya Girane ya Anqara de ame kerdene. Pîya bi grûbêka fedarasyonê sendîkayanê Ewropa, HDP û KESKî ra zî xeylêk kesî tewrê roniştişî bîyî.

Roniştiş de Selma Atabeya ke tewra mehkeme nêbîbî derheqê ci de bira tepiştişî dîyaye, derheqê Hemsereka verêne ya SESî Gonule Erden de bira dewamê tepiştişî dîyaye.

Roniştişê dewa taloqê 3ê teşrîna verêne ame kerdene. Kesê ke tewrê ronişitişî bîyî verê mehkeme de bire protesto kerd.

Badê bire Hemsereka Pêroyî ya SESî Selma Atabey ameye tepiştene.