Hemserekanê 72 baroyan derheqê hêrişê biçeke yo ke vera bînaya Partîya Demokratîke ya Şaran HDPyî ame kerdene  û Denîze Poyraz ameye qetilkerdene de eşkerayîya hempare daye.

Eşkerayîye de hêrişê vera HDPyî sey hêrişê vera yewîya komelkîye, demokrasî û haştîye welatî ame namekerdene ame vatene ke wezîfeyê dewlete yo esasî oyo ke hemwelatîyanê xo bipawo. Hemserekanê baroyan ard ziwan ke bi nê serbûtî qesawetê şarî zêdîyayî û vat ganî selahîyetdarî cade berpirsîyaran û hêzanê tarîyan ê ke peyê ci deyê vejî werte û teslîmê hukmî bikerê. Hemserekan Denîze Poyraz rê hûmayî rehmet û merdimanê ci rê serweşîye waşte.

Baroyanê ke eşkerayîye daye wina yê:

Amed,Adana, Semsûr, Afyonkarahisar, Agiri, Amasya, Anqara,Antalya, Artvîn, Ardahan, Aydin, Balikesir, Bartin, Êlih,Bilecîk, Çewlîg, Bedlîs, Bolu, Burdur, Bursa, Çanakale, Çarkin, Çorum,Denizli, Duzce, Edirne, Erzîngan, Erzirom, Eskişhehîr, Dîlok, Giresun, Gumuşhane, colemêrg,Hatay, Îdir, Isparta, Îstanbul, Îzmîr, Gumgum,Qers, Kastamonu, Qeyserî, Kirkkale, Kilis, Kocaeli, Konya, Kutahya, Meletî, Manîsa, Mêrdîn, Mersin, Mugla, Mûş, Ordu, Osmanîye, Sakarya, Sasmsûn, Sêrt, Sinop,Sewas, Riha, Şirnex, Tekirdag, Tokat, Trabzon, Uşan, Wan, Yalova,Yozgat, Zonguldak.