Partîya Çep a Keske kongreya xo yê çarine bi şîarê “Ji bo Azadiyê” kerde. Kurdîstan û Tirkîya ra bi hezaran kesî tewrê kongre bîyî. Kongre de nameye partî sey Partîya Seyyewbînîye û Demokrasîyî ya Şaran (HEDEP) ame bedilnayene û Tulaye Hatimogullari Oruç û Tuncer Bakirhan sey Hemserekanê Pêroyî yê HEDEPî ameyî vîjanyene.

Tulaye Hatimogullari qiseykerdişê xo de nê vatî: "Îqtîdarê AKPyî wazeno heme destkewteyanê cinîyan û kurdan çîn bikero. "Nê semedî ra her hetî ra hêriş keno. Meseleya kurdan têna meseleya kurdan nîya, meseleya tirkan, ereban ê ma perûn a. Butçeyo ke şerî rê xerc beno, şarî keno feqîr. Krîzê ekonomîkî benê xorî, şar nana wişke rê bîyo muhtaç. Seba ke heqê bingeyî yê kurdan medê bi serran o şer yeno kerdene. Ma rejîmê Îmraliyî wedarê ke wa haştîye bêro înşakerdene. Tecrîdê serê Birêz Ocalanî verê çareserîya meseleya kurdan de asteng o. Ganî tecrîd cade bêro wedaritene û Birêz Ocalan bibo azad.  "

Tuncer Bakirhan zî bale ante şerê Îsraîl-Fîlîstînî ser û ard ziwan ke vera hêrişanê îşxalî xoverdayîşê şaran meşrû yo. Bakirhanî vîst vîrî ke AKPyo ke Rojawan de sîvîlan hedef geno, vera hêrişê serê Fîlîstînî nêrazîbîyayîş mojneno û vat, "Çîyê ke Fîlîstîn de benê, Rojawan de zî benê. Êyê ke wazenê Wisarê Şaran bikerê zimistanê tarîyî hêrişanê xo rê dewam kenê. La vera nê hêrişan xoverdayoxî têkoşînî canêverdenê. Rejîmê Qesre Rojawan de sûcê merdimîye keno. Na dirîtîya ke Fîlîstîn de gogerçîna haştîye ya û Rojawan de makînaya şerî ya ganî her kes bivîno. Ez tîya ra veng danê rayapêroyîya mîyannteweyî wa hemkarê nê sûcî mebê. Ganî statuyê Rojawanî cade bêro naskerdene û tewr vernî de zî ganî Tirkîya nê statuyî nas bikero. " 

Bakirhanî vera tecrîdê serê Rayberê Şarê Kurdî Abdullah Ocalanî zî hêrsê xo ard ziwan û bale ante ser ke heta ke tecrîd meqedîyo, demokrasî nîna û vat semedê çareserkerdişê heme probleman ganî Abdullah Ocalanî bibo azad.