Partîya Herêmanê Demokratîkan (DBP) kongreya xo ya îstîsnayîye ya 6. Merkezê Tîcaretî yê Dinya yê Anqara de kerde. Heyata kongre de pankartê “Tecrîdî rê nê, haştîye cade nika”,“Meseleya Kurdan rê çareserîya demokratîke ”,“Jin, jiyan, azadî” û “Ziwanê Kurdkî wa bibo ziwanê fermî” ameyî daliqnayene. Pîya bi Dayîkanê Haştîye xeylê temsîlkarê rêxistinanê komelê sîvîlî  û şar tewrê kongre bîyî.

Wekîlê HEDEPî Gulderen Varli û Vezîr Coşkun Parlak sey Hemserekê Dîwanî yê Kongre ameyî vîjnayene. Coşkunî vat wa kongre bibo wesîleya azadîya Rayberê Şarê Kurdî Abdullah Ocalanî û tepişteyê sîyasîyî selam kerdî.

Hemsereka Pêroyî yê DBPyî Salîha Aydeniz qiseykerdişê xo de bale ante hêrişanê vera kurdan û xoverdayîşê kurdan ser û nê vatî; "Dewleta ke vera kurdan her qeyde rayîrî şuxulnayî nêeşkaye kurdan rê mil bido çewtkerdene.  Ma semedê ameyoxê têkoşîn kenê.  No têkoşîn azadîya şarê kurdî ya.  Ma ça benê wa bibê ma do pîya bi şarê xo nê têkoşînî bidê domnayene. DBP ewro paştî dano xoverdayoxanê zîndanan  û êyê ke semedê ziwan û azadîya kurdan têkoşîn kenê. Ma do vera tecrîdê serê şarê kurdî û rayberê ci her warî de têkoşîn bikerê.  Heta azadîya Birêz Ocalan û şarê kurdî no têkoşîn do dewam bikero.”

Hemserekê Pêroyî yê DBPyî Keskin Bayindir zî vat, “ Tecrubeyê DBPyî yê 30 serran est o.  Nê rayîr de bi seyan embazanê ma ganê xo da. Ma ewro bi têkoşînê înan rayra şinê. Ma do her warî de têkoşînê xo bidomnê.  Ma sey DBPyî qerardar ê ke tecrîdê serê Ocalanî bişiknê. Ewro dewletê kapîtalîstî wazenê kurdan biqedînê.  Nê semedî ra ganî ma semedê yewîya neteweyî ya kurdan têkoşîn bikerê. Ma do berpirsîyarîyanê xo bîyarê ca."

Endamê Heyetê Rayberdişî yê Merkezê Partîye ameyî vîjnayene. Çigdeme Kiliçgun Uçar û Keskin Bayindir sey hemserekanê neweyan ê DBPyî ameyî vîjnayene.

Kongre bi slogananê  "Bijî Serok Apo", "Jin, jiyan, azadî" ve "Bê serok jiyan nabe" qedîyaye.