Çalakgerê grevê vêşanîye Yusuf Ozdemîrî da zanayene ke bi nameyê sahnekerdişî heme malzemeyê înan ê cuye dest ra ameyê girewtene.

Yusuf Ozdemîr wexto ke Unîversîteya 9 Êlule ya Îzmîrî de Beşê Hemşîreyîye wendêne serra 2009 de ame girewtene. Ozdemîro ke 15 serrî û 6 mengê ci rê ceza ameya birnayene, seba wedaritişê tecrîdî Hepisxaneyê Şakranî yê Tîpê T’yî yê Hûmara 2’yî de 76 rojî yo grevê vêşanîye de yo.

Ozdemîrî serebutî bi rayîrê telefonî keyeyê xo ra vatî. Pîyê Ozdemîrî da zanayene ke o seba cuya lajê xo qesawet keno û vat, “Eşto heme koxuşan ser.”

Pîyê Ozdemîrî vat,”Dest nayo serê heme malzemeyanê cuya. Teyna cilê înan apey dayê înan. Newresîmê cilan zî nêdayê înan.Lajê mi xora grev de bi. Nika nêzana rewşa ey senên a.”

Pîyê Ozdemîrî vat seba ke lajê ey bi rayîrê telefonî qisey kerdo, zanayîşî zelal nêdayê.

Pîyê Ozdemîrî ard ziwan ke tecrîd sûcêkê merdimîye yo û vat, “Ma leyê xoverdayîşê domananê xo de yê. Bedel çi beno wa bibo, ma leyê înan de yê.”