Ayfere Ayçîçek 2007 de Adana de tepişîyaye û 'endamîya rêxistine' ra cezaya zîndanî ya 22 serran û 11 mengan dîyaye ci. Goreyê lîsteya ÎHDyî Ayfere Ayçîçek tepişteya nêweşa giran a. Ayfera ke nika Zîndanê  Gebze de tepişîyena verî zî raştê cigêrayîşê rûtî, tacîzê gardîyanan û surgunî mende.

Ayfere Ayçîçek mektubêk şawit Jinnewsî û qala binpaykerdişanê zîndanî kerde. Ayfere Ayçîçeke mektub de da zanayene ke a antîdesperesan û çar dermananê giranan şuxilnena. Ayfere Ayçîçek pare kerd ke aye rê ame ferzkerdene ke verê çimanê gardîyanan de dermanan bigêra û aye no red kerd. Ayfere îfade kerd ke dermanî nêdîyenê ci, a maruzê îşkenceyê psîkolojîkî manena û seba ke ferzkerdişê zîndanî red kerd cezaya dîsîplînî ya 2 mengan dîyaye ci.

Ayfere dîyar kerd ke bernameyêkê 'TRT World' de name, zîndan, agahîyê serê nasnameyê aye û çend embazanê ci ameyê eşkerakerdene û vat: ''Bi eşkera ma yenê hedefkerdene. Serrêke û 11 mengî mendê ke ez zîndanî ra vejîya la bi nê hawayî teber de mi rehet nêverdenê. Ez qerqilîyena.''

Ayfere waşt ke no bernameyê televîzyonî cade bêro wedaritene û dermanê ci bêrê dayene.